ലോകമെമ്പാടുമുളള ഉപയോക്താക്കള്ക്ക് സൗജന്യ സേവനം നല്കുന്ന വാട്സ്ആപ്പ് , പണം നല്കി ഉപയോഗിക്കുന്ന സബ്സ്ക്രിപ്ഷന് പ്ലാന് അവതരിപ്പിക്കാനൊരുങ്ങുകയാണ്.'WhatsApp Plus' എന്ന പേരിലാണ് പെയ്ഡ് ബബ്സ്ക്രിപ്ഷന് പ്ലാന് വികസിപ്പിച്ചുകൊണ്ടിരിക്കുന്നതെന്നാണ് റിപ്പോര്ട്ടുകള്. ഈ പ്രീമിയം പതിപ്പിലൂടെ നിരവധി സേവനങ്ങള് ഉപയോക്താക്കള്ക്ക് ലഭ്യമാകും. പുതിയ പ്ലാന് അധിക കസ്റ്റമൈസേഷനും മറ്റ് സവിശേഷിതകളും വാഗ്ധാനം ചെയ്യുന്നുണ്ട്. പ്രധാന ആപ്പ് സൗജന്യമായി നിലനിര്ത്തിക്കൊണ്ടാണ് പുതിയ പ്ലാന് വരുന്നത്. മെറ്റ ഔദ്യോഗികമായി പദ്ധതി പ്രഖ്യാപിച്ചിട്ടില്ല.
നിലവിലുള്ള വാട്സ്ആപ്പ് സേവനങ്ങള് സൗജന്യമായി തുടരുമെങ്കിലും അധിക ഫീച്ചറുകള് ആഗ്രഹിക്കുന്നവരെ പുതിയ സബ്സ്ക്രിപ്ഷന് പ്ലാന് നിരാശപ്പെടുത്തില്ല. വാട്സ് ആപ്പിലെ പുതിയ ഫീച്ചറുകളും മാറ്റങ്ങളും ആദ്യം പുറത്തുവിടുന്ന വാട്സ്ആപ്പ് ബീറ്റ ഇന്ഫോ(WABetainfo) തന്നെയാണ് സബ്സ്ക്രിപ്ഷന് പ്ലാനും പുറത്തുവിട്ടിരിക്കുന്നത്. വരുമാനം വര്ധിപ്പിക്കുക എന്ന ലക്ഷ്യത്തോടെയാണ് മെറ്റ ഇതിനെ കാണുന്നത്.
വാട്സ്ആപ്പ് പ്ലസിന്റെ കൃത്യമായ നിരക്കുകള് എത്രയാണെന്ന് കമ്പനി ഇതുവരെ ഔദ്യോഗികമായി പ്രഖ്യാപിച്ചിട്ടില്ല. വരും മാസങ്ങളില് ഇതു സംബന്ധിച്ച പ്രഖ്യാപനം ഉണ്ടായേക്കാം.
Content Highlights :WhatsApp, which offers a free service, is preparing to introduce a paid subscription plan